મિત્ર કીટક ક્રાયસોપા ખુબ ઉપયોગી – કૃષિવિજ્ઞાન ટીપ્સ

મિત્ર કીટક ક્રાયસોપા (ક્રાયસોપર્લા) એ મોલોનું અગત્યનું પરભક્ષી કીટક ગણાય છે. જો કે મોલો ઉપરાંત તે થ્રિપ્સ, તડતડીયાં, ચિકટો (મીલીબગ) અને પાનકથીરી જેવી પોચા શરીરવાળી જીવાતો અને ફૂદાં-પતંગિયાએ મૂકેલા ઈંડા તથા નાની ઈયળોનું ભક્ષણ કરી કુદરતી રીતે તેનું નિયંત્રણ કરે છે. કેટલાક ખેડૂતો તેને ‘લીલી પોપટી’ તરીકે ઓળખે છે. આ પરભક્ષીના ઈંડા ખેતરમાં છોડવા હિતાવહ નથી. તેથી નિર્ધારિત કરેલ ઈયળો પાક પર છોડવામાં આવે છે. ક્રાયસોપર્લાની ઈયળો જો એકબીજા સાથે ભેગી કરવામાં આવે તો એક-બીજી ઈયળોનું ભક્ષણ કરે છે. તેથી તેને અલગ-અલગ ઉછેરવા અને વહન કરવા માટે કેવીટી ટ્રેનો ઉપયોગ કરવો.