નવી દુનિયા કેવી હશે તેની વાત કરું તો વિજ્ઞાનની ઝડપ એટલી છે કે ખાવા-પીવા, કામ કરવા, રહેવા-ફરવા, ભણવા, ખેતી અને ખોરાક વગેરે ક્ષેત્રોમાં પણ જબરદસ્ત ગતિએ નવા ફેરફારો આવ્યા છે અને હજુ આવી રહ્યા છે. 21મી સદી ટેક્નોલોજીની સદી છે. ટેક્નૉલૉજી આપણા જીવનને, આપણી ખેતીને કેવી પ્રચંડ અને અકલ્પનીય રીતે પ્રભાવિત કરવાની છે તે આપણે ધ્યાનમાં રાખવું પડશે નહીંતર પાછળ રહી જાસુ . આપણે ભૂતકાળમાં કલ્પના કરતા હતા, તે આજે સાકાર થઈ રહ્યું છે , નવા સાધનો , નવા ઓજાર , નવી ટેક્નોલોજી , નવા જૈવિક જંતુનાશકો, ડ્રોન,હવામાન ના આધારે ખેતી માટેની સૂચના આપતી એપ્લિકેશન વગેરે વગેરે તેની સાથે સાથે આપણું ખેતીનું ભવિષ્ય પણ એઆઈ ટેક્નોલોજીના ફેરફાર સાથે બદલવાનું છે ..આવનારી ખેતી માટે વિજ્ઞાનને સમજવા તમારે લેસન પણ કરવું પડશે વાંચવું પડશે અને તૈયાર રહેવું પડશે .
