દર અઠવાડીયે મળતી આ મીટીંગમાં સૌને પોતાના પ્રશ્નોનું નિરાકરણ મળી જાય છે આ બધાએ હવે એક છત્તીસગઢ યુવા પ્રગતિશીલ ખેડૂત નું વોટ્સઅપ ગૃપ બનાવ્યું છે અને તેમાં પોતાના ખેતરની જીવાત, રોગ, પાંદડા, મૂળના ફોટા એકબીજાને શેર કરે છે. નિરાકરણ ગૃપમાં ને ગૃપમાં થઈ જાય છે. આ બધા ધીરે ધીરે હવે પોતાના ખેતર ઉપર થર્મોમીટર, ટેન્શીયોમીટર, હવાનું દબાણ, હવામાં ભેજ વગેરે માપતા અને વોટ્સઅપથી શેર કરવા માંડયા છે. છે ને સામુહિક ખેતીનો નમૂનો .આ બધા ગુજરાતી જ છે અને આપણે હજુ જ્ઞાતીવાદ, રાજકારણ, નકામી ચર્ચા, નકામા ફોટા, લાબા લાંબા મેસેજ, ભગવાનના ફોટા, આ આગળ ૧૦ જણાને મોકલશો તો આમ થઈ જશે તેવું મોકલવામાં થી નવરા નથી થતા ને ખેતી નબળી છે, ખેતીમાં કઈ સવા નથી તેના રોદણા રોયે રાખીએ છીએ. એમાંય પાનનો ગલ્લો એટલે વાતુના વડા દ્વારા બીજાને ખોટી સલાહ આપીએ છીએ. હવે આ બધામાંથી નવરા થઈને ખેતીમાટે હકારાત્મક વિચાર કરવાનો સમય આવી ગયો છે . ખેતરમાં વિજ્ઞાનને લાવવું પડશે .
