ભૌગોલિક માહિતી પ્રણાલી (જીઆઈએસ) એક એવી પ્રણાલી છે કે જે તમામ પ્રકારની માહિતીનું નિર્માણ, સંચાલન, વિશ્લેષણ તેમજ નકશા બનાવવા માટે ઉપયોગી થાય છે. જીઆઇએસ દ્વારા માહિતીને નકશા સાથે જોડી શકાય છે, આ ઉપરાંત તમામ પ્રકારની વર્ણનાત્મક માહિતી સાથે સ્થાનની માહિતીને એકીકૃત પણ કરી શકાય છે. આમ ભૌગોલિક માહિતી પ્રણાલી (જીઆઈએસ) મેપિંગ અને વિશ્લેષણ માટેનો પાયો પૂરો પાડે છે જેનો ઉપયોગ વિજ્ઞાન અને લગભગ દરેક ક્ષેત્રે થાય છે. કૃષિ ક્ષેત્રે પણ આ પદ્ધતિ વિવિધ રીતે ઉપયોગી થાય છે. જીઆઇએસ ખેડૂતો માટે ફાયદાકારક છે કારણ કે તે ખેડૂતોને વધુ ઉત્પાદન મેળવવામાં અને વધારાના ખર્ચમાં ઘટાડો કરવામાં મદદ કરે છે, જેથી ખેડૂતો વધુ સારી રીતે ખેતીનું સંચાલન કરી શકે છે.
