ઉનાળામાં ઊંડી ખેડ કરવી, આ જીવાતનાં ખેતરમાં ઈંડા મુકતા પુખ્ત ઢાલિયા કીટકના નાશ માટે ચોમાસાનાં પ્રથમ વરસાદ પછી શેઢા પરના ઝાડને રાત્રે ૮ થી ૧૦ દરમ્યાન હલાવી તેના પરના પુખ્ત ઢાલિયા કીટકોને નીચે પાડી કેરોસીનવાળા વાસણમાં ભેગા કરી. નાશ કરો, બિવેરીયા બાસીયાના અથવા મેટીઝીયમએનીસોલી ૧.૧૫ વે.પા. ૫ કિ.ગ્રા. પ્રતિ હેક્ટર પહેલા જમીનમાં એરંડીના ખોળ સાથે (૩૦૦ કિ.ગ્રા. પ્રતિ હેક્ટર) જમીનમાં આપવું. ત્યારબાદ ઉગાવાના ૩૦ દિવસે પાણી સાથે જમીનમાં આપવાથી ધૈણનું સારું નિયંત્રણ થાય છે. ઉપદ્રવ ઓછો હોય ત્યારે ક્લોરપાયરીફોસ ૨૦ ઈસી ૨૫ થી ૩૦ મિ.લિ. દવા પ્રતિ ૧૦ લિટર પાણીમાં મિશ્રણ કરી પંપની નોઝલ કાઢી મૂળ પાસે જમીનમાં ઉતરે તે રીતે આપવું. ઊભા પાકમાં ધૈણનો ઉપદ્રવ જોવા મળે તો ક્લોરપાયરીફોસ ૨૦ ઈ.સી. અથવા ક્વિનાલફોસ ૨૦ ઈસી હેક્ટરે ૪ લિટર પ્રમાણ ૨૫ થી ૩૦ મિ.લિ. દવા પ્રતિ ૧૦ લિટર પિયત પાણી સાથે આપવાથી સારું નિયંત્રણ મળે છે
