ડ્રેગનફૂટ મધ્ય અમેરિકાનો વતની છે પરંતુ હવે સમગ્ર વિશ્વમાં, ખાસ કરીને ઉષ્ણકટિબંધીય દેશોમાં ઉગાડવામાં આવે છે. તે વિવિધ એબાયોટિક અને બાયોટિક તનાવને સહન કરી શકે છે. તે ઝડપથી ઊગતો વેલો છે જેને આગળ વધવા માટે ટેકાની જરૂર પડે છે અને પછી તે છત્રી આકારમાં વધે છે. તેનું આયુષ્ય ૧૫ થી ૨૦ વર્ષનું હોય છે તેથી તેના માટે મજબૂત અને કાયમી ટેકા માટે ખાસ આર. સી.સી.ના થાંભલા બનાવવામાં આવે છે. સ્વાસ્થ્ય લાભો અને માર્કેટ વેલ્યુના કારણે ડ્રેગનફ્રૂટને એક ‘સુપર ફ્રૂટ’ તરીકે લોકપ્રિયતા પ્રાપ્ત થયેલ છે. ડ્રેગનફ્રૂટ સલાડ તરીકે ખાઈ શકાય છે અને અપરિપક્વ ફૂલની કળીઓમાંથી સૂપ પણ બનાવી શકાય છે. ડ્રેગનફ્રૂટનું મૂલ્યવર્ધન કરી જામ, જ્યુસ, જેલી, આઈસ્ક્રીમ, પેસ્ટ્રી, સિરપ, કેન્ડી, યોગર્ટ વગેરે પણ બનાવી શકાય છે.
